PANTIP.COM : C3887089 เพลงของ จรัล มโนเพ็ช ต่อไปนี้คุณชอบเพลงใดที่สุด [ดนตรี]

ความคิดเห็นที่ 22

ชอบ เพลงน้อยใจยาค่ะ

จรัล : ดวงดอกไม้เบ่งบานสลอน ฝูงภมรภู่เผิ้งสอดไซ้ ดอกพิกุลของเปิ้นต้นใต้ ลมพัดไม้มาสู่บ้านตู รู้แน่ชัด เข้าโสตสองหู ว่าสีชมพูถูกป้ำเค้าเนิ้ง เค้ามันตายปลายมันเสิ้ง ลำกิ่งเนิ้งไหวหวั่นทวยแนว ดอกพิกุลก็คือดอกแก้ว ไปเป็นของเพิ่นแล้วเหนอ

สุนทรี : เต็มเค้าเนิ้งกิ่งมันบ่ถอน บ่ไหวคอนเฟือนเตี้ยงมั่นแต้เล่า ตามคำลมที่พัดออกเข้า มีแต่เค้า ไหวหวั่นคลอนเฟือน กิ่งมันแท้บ่แซเสลือน บ่เหมือนลมเชยรำเพยก็จะนั้น ใจน้องญิงน้องหนิมเที่ยงหมั้น บ่เป็นของเพิ่น ฅนใด เปรียบเหมือนกระจกแว่นแก้วเงาใส บ่ไหวข้อนเหงี่ยง ใจ้เนอ

จรัล : ตัวพี่น้อยจักขอถาม ตามคำลมเพิ่นมาเล่าอู้ ว่านายมีชู้บ้านวังสิงห์ฅำ ฝ่ายทางพุ้นเพิ่นมาใส่ประจำ บ้านวังสิงห์ฅำเพิ่นมาหมั้นไว้แล้ว ฝ่ายพ่อสาวน้องนางแว่นแก้ว ตกลงไว้แล้วบ่ใช่คาหา เพิ่นจะกินแขกแต่งการก็วิวาห์ เมื่อใดชาพี่น้อยใคร่รู้เค้า ส่วนไชยาบ่สมเปิงเจ้า พี่เขียมเข้าของเงินทอง ฝ่ายตางนายบ่หมายเกี่ยวข้อง มาละหมองต่ำคล้อยเนอ

สุนทรี : ตัวน้องนี้บ่ล่าใหลหลง การตกลงก็ยังบ่แล้ว จิ่งเชิญตัวพี่มาห้วยแก้ว เพราะใคร่รู้คำฟู่คำจา จิ่งเชิญน้อยพี่มาเปิกษา จะว่าใดชาตัวน้องก็ใคร่รู้ จิ่งเชิญตัวพี่มาฟู่อู้ จะเอาเป็นชู้กาว่าจะเอาเป็นเมีย ฤาจะลบล้างลืมลายหายเสีย บ่เอาเป็นเมีย ฤาจะทิ้งเสียแล้ว ฤาจะเอาเป็นเมียนางช้างแก้วอยู่เป็นคู่เทียมฅิง ขอบอกนายหื้อแน่ใจจริง อย่าอำพรางนาฏน้องเนอ

จรัล : บ่จุหลอกน้อง หื้อหม่นหมองหมาง บ่ล่อลวงพรางแม่นางร่างแฅ้ว พี่หมายเอาเป็นเมียนางช้างแก้ว บ่หื้อคลาดแคล้วเรื่องคำสีเนห์ หลอนแก้วน้องใจยังบ่เหว เรื่องคำสีเนห์เหมือนพี่คึดแล้ว หลอนพี่จุกายังล่ายเจ้า ขอหื้อฟ้าผ่าหัวแม่เมียตาย ลูกแม่ญิงอู้เล่นบ่ดาย ลูกพ่อชายอู้แท้ก็บ่ฟัง หลอนนายตายไปเป็นไก่ตั้ง ตัวพี่น้อยจะตายเป็นฅืน อู้บ่ถูกวันพูกค่อยมาขืน อู้เมื่อฅืนค่อยมาขืนเมื่อเช้า ตัวพ่อชายกับทึงเจ้า เปรียบเหมือนเหล้ากับพาง ปากคำใดพี่ก็ทึงอ้าง บ่ได้ใจจางจากน้องเนอ

สุนทรี : หลอนว่าแต้เหมือนดังกำจ๋าน้องขอสัญญากับตั๋วปี้น้อยบ่ขอฮักไผสักเต้ากิ่งก้อยขอฮักปี้น้อยใจยานี้ก็คนเดียวคนอื่นนับร้อยตึงบ่แลบ่เหลียวจะขอฮักเดียวจายเดียวก็เท่านี้หลอนว่าน้องจุ๊หรือสับปะหลี้ ขอหื้อฟ้าผ่าหัวป้อผัวต๋ายลูกแม่ญิง อู้เล่นก็บ่ดาย ลูกป้อจาย ขี้จ๊กะแต้ ๆ กินกะยังตึ้งแก้ สะเลียมยำใส่แย้ มะเขือแจ้ ยำใส่เตา กันปี้น้อยใจยาฮักแต้กะข้าเจ้า กะยินดีจิ่มแต้เนอ

จากคุณ : immortalia*-* - [ 18 พ.ย. 48 13:41:40 ]