ความคิดเห็นที่ 44 |
กระทู้นี้รวมพลคนล้านนาเลยครับเนี่ย
แถวต้าแป ได้กลิ่นไอดินลอยมาตั้งเมื่อ 4 ทุ่มน่อยๆ
สักกำห้าทุ่มฝนก่เตลงมาขนาดมอกปอจุ้มเย็นๆ
แต่อากาศก่บ่ปอเย็นเต้าใด กะว่าวันพรูกเช้า ถ้าจะหนาวเหมือนกั๋นครับ จากตี้บ่ได้หนาวมาหลายมื้อหลายวัน
ถ้าฟังจากพยากรณ์อากาศ เปิ้นว่า ลมหนาวจากจีน ปั๊ดมาแหมแล้ว อาจเป๋นผลหื้อฝนตกก่เป๋นได้ครับ
ถ้ามองอย่างคนเมืองแต๊ วันติ๊ดนี้ จะมีงานพระราชทานเพลิงศพ อดีตเจ้าอาวาสวัดพระสิงห์ แหมเดือน จะมีงานพระราชทานเพลิงศพ อดีตเจ้าอาวาสวัดเจดีย์หลวง อันว่าตึงสองวัด สองงานนี้ คนจัดกึ้ดจะใดบ่ฮู้ครับ แป๋งนกหัสดีลิงค์ ไว้พระราชทานเพลิงศพ ไว้ตี้วัดสองวัด
ตั้งผมเกิดใหญ่มา บ่เกยหันไผกำเตื้อ ตี้เผาศพก๋างเวียง (วัดตึงสองวัด จัดว่าอยู่ก๋างเวียงเลยครับ) ปกติศพคนเมืองในเวียงเจียงใหม่ เปิ้นจะแห่จากในเวียง (ในที่นี้หมายถึง ศพที่ตายในเวียง อาณาเขตเวียง คือ ที่อยู่ภายในประตูเมือง คูเมืองล้อมรอบ) ออกผะตู๋ผี (สวนปรุง) แล้วไปเผาตี้ป่าเฮี่ยวหายยา ครับ
แต่นี้บ่รู้ว่าคนกึ้ด กึ้ดได้จะใด ตี้เอาศพพระผู้ใหญ่ ตึงสองวัด มาพระราชทานเพลิงศพตี้ก๋างเวียงจะอี้
จะอี้ บ่ฮู้ว่าจะเกี่ยวกับ "ตกขึด"ก่หา ตี้ดินฟ้าอากาศ เป๋นจะอี้ครับผม
| จากคุณ |
:
ดาวตก@ผีเสื้อ@กระบี่   
|
| เขียนเมื่อ |
:
18 ธ.ค. 52 23:55:25
|
|
|
|
