Pantip-Cafe | Pantip-TechExchange | PantipMarket.com | Chat | PanTown.com | BlogGang.com  


 
กระทู้คนเมืองขี้จ่ม ติดต่อทีมงาน

วันนี้ขอจ่มซักเล็กซักหน้อยเต๊อะ เรื่องนักแสดงรอยไหมอู้กำเมืองปะแล๊ดไป
หรือเพี้ยนไป ฟังบ่ะได้อรรถรสอี้กา?

บ่ะน่าเจื้อว่าจ๋นถึงวันนี้ยังมีคนมาตั้งกระทู้จ่มเรื่องนี้อยู่ จ่มแบบติเพื่อก่อ ก่อยังแควนหน้อย แต่จ่มแบบบ่ะฮับฮู๊ฮับฟังเหตุผลอะหยังซักอย่างเลยนี่มันหยัง
มาก้ายแต๊ๆ
เบื้องหน้า เบื้องหลัง เหตุผลตี้เพราะอะหยังเรื่องนี้เป๋นจะอั้น เรื่องนั้นเป๋นจะอี้
ก่อมีอยู่หลายกระทู้ หลายคห. เปิ้นหยังบ่ะอ่าน บ่ะกึ๊ดตวยพ่องห๋า?
นักแสดงอู้กำเมืองเพี้ยน ก่อจ่มก่อว่าหื้อเปิ้นแต๊เนอ หยังบ่ะกึ๊ดถึงต่าเปิ้น ต่าตั๋ว  ต๋อนตั๋วอู้กำไทยครั้งแรก อู้ถอบเลยกา? บ่ะปะแล๊ดเลยแต๊กา?
คนเมืองกุ๊คนใผ๋บ่ะต้องมาอวดฮุ_หอมว่าอู้กำไทยได้ชัดเจนตั้งแต่เกิด
ป้าตึงบ่ะเจื้อ เพราะบางครั้งหัวมันกึ๊ดบ่ะตันตี้เฮาอยากอู้ มันตึงหลุดตึงหลัน
ยิ่งถ้าเฮาไปหลุดไปหลันส่องหน้าคนกรุงเทพ เปิ้นก่อต้องฮู้ว่าเฮาอู้บ่ะถูก
แต่ถึงเฮาจะอู้ได้ถูกตึงหมด สำเนียงเฮามันก่อบ่ะได้อยู่ดี

นี่ละกำบ่ะเก่าเปิ้นถึงได้สอนเอาไว้ว่า   ต๋ามีหน้าส่องหน้าบ่ะหั๋น
คือแก่นต๋าอยู่บนหน้าเฮา  เฮาผ่อบ่ะหั๋นหน้าตั๋วเก่า  หั๋นก้าหน้าคนอื่น
ก่อบ่ะดีฟั้งไปว่าเปิ้นบ่ะงาม  ส่องกระจกผ่อตั๋วเก่าเหียก่อน  แล้วก้อยไป
วิจารณ์คนอื่น

แห๋มอย่างหนึ่ง ตี้นักแสดงเปิ้นอู้เพี้ยนกั๋นนักนี่ อ้ายอ๊อฟ ผกก.เปิ้นต้องฮับผิดชอบไปตวยเต๋มๆ เพราะเปิ้นซ้อบเปลี่ยนบทอู้ เปลี่ยนสดๆบ่ะดิดบ่ะเดี่ยวนี้
แล้วหื้อนักแสดงเอาหัวจู้กั๋นท่องบท เพราะบทมีแผ่นเดียว  บทตี้ท่องมาจาก
บ้านก่อบ่ะได้ใจ๊ละ โอกาสเพี้ยนมันก่อเลยนักไปติกๆ เฮาต้องกึ๊ดถึงข้อนี้ตวย
เน้อ แล้วก่อแป๋งใจ๋หื้อกว้างๆหื้อนักแสดงกุ๊ๆคนตวย

แก๋งโฮ๊ะบ้านเฮา  ใส่ตึงกะทิ  หน่อไม้ส้ม  แก๋งฮังเล  แก๋งอื่นๆสารพัดอย่าง
ผักสารพัดชนิด  งุ๊นเส้นแห๋มต่างหาก  เคี่ยวหื้อแห้งๆปรุงรสเหียดีๆ มันยังออกมาลำแต๊ลำว่า  ละครรอยไหมก่อเหมือนกั๋น  ถ้าจะเอาตึงสิ่งตี้ดีตี้สุดและดีพ่องบ่ะดีหลายมารวมไว้ตวยกั๋น  จะใดมันจะผ่อหื้อมีอรรถรสบ่ะได้เลยกา

ในรอบหลายๆปี๋มานี้  ก่อยังบ่ะเกยหั๋นละครดีๆอย่างอี้เลยบ่ะใจ้กา

จ่มนัก  อิดละ  ถ้าใผ๋จะ translate กำเมือง to thai หื้อป้า ก่อขอขอบคุณ
ล่วงหน้าเน้อเจ้า
บ่ะดีหลายเข้ามาไว้ตวยกั๋น

จากคุณ : คุณป้ารักแมว
เขียนเมื่อ : 20 ก.ย. 54 13:53:18




ข้อความหรือรูปภาพที่ปรากฏในกระทู้ที่ท่านเห็นอยู่นี้ เกิดจากการตั้งกระทู้และถูกส่งขึ้นกระดานข่าวโดยอัตโนมัติจากบุคคลทั่วไป ซึ่ง PANTIP.COM มิได้มีส่วนร่วมรู้เห็น ตรวจสอบ หรือพิสูจน์ข้อเท็จจริงใดๆ ทั้งสิ้น หากท่านพบเห็นข้อความ หรือรูปภาพในกระทู้ที่ไม่เหมาะสม กรุณาแจ้งทีมงานทราบ เพื่อดำเนินการต่อไป



Pantip-Cafe | Pantip-TechExchange | PantipMarket.com | Chat | PanTown.com | BlogGang.com