......เอวัง โหตุ สัมปะฎิจฉามิ อิทัง นะวะสังวัจฉะรัง ดีและ อัชชะในวันนี้ ก็เป๋นวันดีเป๋นวันสะรีศุภะมังคะละอันผาเสิดล้ำเลิศยิ่งกว่าวันและยามตังหลาย เป๋นดิถีอันวิเศษเหตุว่าระวิสังขารปี๋เก่าอะติ๊กกั๋นโต๋ก็ข้ามล่วงป้นไปแล้ว ปี๋ใหม่แก้วพญาวันก็มาจุจอดรอดถึง บัดนี้หมู่เฮาตังหลายก็บ่อได้ละเสียซึ่งจ๋าฮีตป๋าเพณีเก่าแห่งสับปุริสะเจ้าตังหลาย ก็ขอผาถนาหลอนว่าท่านตังหลายได้ปะมาทะข้ามก๋ายตี้ต่ำย่ำตี้สูงก้าวล้ำล่วงเกิ๋นสันใดก็ดีมีเจ๋ตะนาบ่อเจ๋ตะนาก็ดีด้วยก๋ายะก๋รรมจี๋ก๋รรมมะโนก๋รรมดั่งอั้นก็ดีก็ขอหื้อก๋รรมตังหลายเหล่านั้นได้ผ่อนสูญหายกล๋ายเป็นอะโหสิก๋รรมอย่าได้เป๋นนีวะระณะธรรมก๋รรมอันจักตวยไปปายหน้าสักเยื่องสักประก๋าร นับตั้งแต่ก๋าละยามนี้วันนี้ไปปายหน้าขอหื้อท่านตังหลายจุผู้จุคนอยู่ตี้ไหนหื้อมีชัยไปตี้ไหนหื้อมีโจ้คสุขสันต์สำราญเจริญด้วยอายุปี๋อายุเดือนอายุวันไปไจ้ๆนั้นจุ่งจักมีเที่ยงแต้ดีหลีตามอัตถะพระบาลีว่า สั๊ปปีติโยวิวัชชันตุ๊ สั๊ปป้ะโรโควินาสสะตุ๊มาเต๋ภวัตตวั๋นตะราโยสุขีทีฆายุโก๋ภะวะอะภิวาทะนะลีลิสสะนิจจั๋งวุฑฒาปะจ๋ายิโนจั๊ตต๋าโรธัมมาวั่ฑฒันติ๊ อายุ....วัณโณ.....สุ๊ขัง.....พะลัง......ฯ
จากคุณ :
พฤษภเสารี 
- [
วันเถลิงศก (15) 04:32:44
]
กำปั๋นปอนปี๋ใหม่แบบล้านนา หื้อปี้น้อง กู้คู่กู้คน.....เน้อครับ......
