ประเทศซาดกำลังเดือดฮ้อน
มันเป็นย้อนซุมหมู่นายทุน
ซ่างสิหมุนเงินซ่อซื้อเสียง
เฮ็ดบ่ายเบี่ยงบอกตั๋วตอ แหล
เฮ็ดแพ้แว้นำทุนนิยม
มาทับถมทับเทิงหมู่เฮา
สิตั๋วเอาให้คนเป็นหนี้
คักอีหลีเห็นเงินเป็นใหญ่
บ่ใส่ใจคำพระเจ้าอยู่หัว
หลงเมามัวแต่กินกามเกียรติ
มาบังเบียด เศรษฐกิจพอเพียง
หวังสร้างเวียงบริโภคนิยม
ควมโสมมอาจมนอกฮีต
ซ่างมากรีดมากดมาเกณฑ์
เมืองเคยเห็นเคยฮักเคยห่ม
คึทุกข์ตรมทุกข์คักทุกหลาย
ย้อนบุญตายบาปตึ่มเบิงตี๋
ถืกซุมผีมาปล้นมาปลิ้น
ให้ซุถิ่นเป็นทาสทุนเงิน
เซื่อซุมเพิ่นแจแม่นทุกข์แท้
เพิ่นอิ่มแปล้เฮาคึหิวคึโหย
ย้อนเพิ่นโกยกอบเงินเมินหนี
ซุมอับปะรีแจแม่นมวนหลาย
ซ่างบ่อายศีลธรรมคำสอน
กะปอมเดือดฮ้อนไปทุกหย่อมหญ้า
หลอยเฮ็ดนาเทิงหลังหมู่เฮา
จั๊กสิเว้าจังใด๋หละเด้...
จากคุณ :
เชษฐภัทร 
- [
24 ก.พ. 49 00:36:06
]
ประเทศซาดกำลังเดือดฮ้อน
