แต่งตวยมโนเพ็ชรหื้อ..............หันประเทือง
จรัลแจ่มจำเริญเฮือง.............ฮุ่งแจ้ง
ลำนำแห่งกำเมือง................เกยม่วน
เสียงเสนาะบ่หันแห้ง............เหือดสิ้นตามสมัย
มโนเปิ้นคือเพ็ชร
แต้มภาพแจ่มจรัสเฮือง
แจ้งเวียงม่วนเสียงเมือง
ซึ้งม่วนใจ๋แต่ใดมา
ปี้สาวตี้หลงฮัก
ใคร่ฮู้จักเป๋นหนักหนา
ลือนามเลื่องล้านนา
เพลงลำนำภูมิลำเนา
ฮักสาวมอเตอร์ไซค์
อยู่เจียงใหม่ไกล๋เฮือนเฮา
รถถีบไปจีบเขา
บ่ตันแข่งควันแก้นตาย
ผมนี้เป๋นคนจน
มีกะใจ๋ไร้ความหมาย
สึ่งตึ๋งขนาดอาย-
บ่อวดบ้ากล้าดึงดัน
เพราะบ้านอยู่บนดอย
บ่ได้เป๋นเช่นเวียงสวรรค์
กิ๋นแต่ข้าวนึ่งกัน
ผักกาดจอผ่อทุกมื้อ
อยากของกิ๋นคนเมือง
กิ๋นของลำที่คนลือ
หากอุ้ยคำบ่ถือ
ยะหื้อกิ๋นจักยินดี
อุ้ยคำขี้คร้านยะ
เลยไปป๊ะกับมารศรี
ชื่อมะเมี๊ยะใจดี
ยะอาหารพม่าแทน
ยามเพลินล่องเวียงพิงค์
พิศดาวเฮืองอยู่เมืองแมน
แจ่มจรัสจรัลแสน
สวยดุจเพ็ชรพราวพิไล
เป๋นดาวดวงเดียวกั๋น
ยึดมั่นเป๋นกำลังใจ
คอยจ้วยคอยอวยจัย
อัญเจิญเสียงจากเวียงทอง
นามจรัลมโนเพ็ชร
ยิ่งลือเลื่องยิ่งเฮืองฮอง
ลำนำท่วงทำนอง.
ล้านนาศรีกวีเอย
แก้ไขเมื่อ 19 ก.ย. 51 18:14:00
แก้ไขเมื่อ 17 ก.ย. 51 11:10:24
แก้ไขเมื่อ 17 ก.ย. 51 00:24:01
จากคุณ :
เชษฐภัทร 
- [
16 ก.ย. 51 18:29:11
]
คือ จรัล มโนเพ็ชร
- [
17 ก.ย. 51 01:58:53
]
