เอาเต๊อะ

ครูบอกเป๋นคนนอบน้อม

เปื้อนยอมว่ากึ๋มงึ๋มดึ่มใน

ตั๋วเก่าบอกบ่าเกยสนใจ๋

แต่จะไดวันนี้ก็ตึงมา


ครอบครัวซวนเซเรรวน

อ้ายจวนฮื้อมายืนตังหน้า

อู้ตามตี้หมู่เฮาบอกมา

ปากว่าปรองดองปรองดอง


เอาเต๊อะหยั่งไดก่อมาแล้ว

ปูแก้วมารูนแสงส่อง

เยี๊ยะฮื่อบ้านเมืองเรืองรอง

ปี้น้องฟ่างเตื้อเรื่องเงิน


สัญญาเขาไว้จ้าดนัก

คนรักเสื้อแดงสรรเสริญ

ชั้นกลางชั้นสูงอย่ามองเมิน

อย่าเพลินหลงคำป้อยอ


ไอ่หมู่ในพรรคมันวอกนัก

ปากบอกฮักลับหลังมันบ่าหงอ

อย่างอ้ายยอมหักบ่ายอมงอ

แล้วผ่อลอบ่าเต่วเป๋นจะได


"บ้านเมืองเฮาเฮาต้องฮักษา"

ผืนดินตี้เกิดมาบ่าใจ้ของไผ

ลูกตั๋วเก่ายังต้องอยู่สืบไป

อยู่ตี้ไหนบ่าเหมือนอยู่บ้านเฮา


หวังว่าจะทำเพื่อชาติ

เพื่อปราสาทเพื่อสลัมเพื่อขุนเขา

เพื่อชนทุกชั้นชนทุกลำเนา

อย่าเอารอยบาดหมางมาคลางแคลง

จากคุณ	: Vivid in Disguise
เขียนเมื่อ	: 4 ก.ค. 54 09:30:00