 |
มางามหลายคักแท้...............จำปา
ดวงดอกพวงมาลา................กลีบสล้าง
อ้ายเพ้อพร่ำนำหา.................น้องหล่า
อกสิเพแตกม้าง....................นำเจ้าอยู่บ่วาย
อยากสิบายกลีบน้อย............ขาวนวล
เสน่หาเย้ายวน.....................ยั่วอ้าย
อดกลั้นจิตรัญจวน................ใจข่ม
ย้อนทุกข์ย้อนผู้ฮ้าย..............ย่านเจ้าบ่ออนซอน
สะออนเด้น้องหล่า................จำปา
นับว่าเป็นบุญตา....................พ่อเจ้า
บุญนำหยู่วาสนา....................นำส่ง บ่นอ
ควมฮักมันรุมเร้า...................อกอ้ายสิพั่งเพ
ฮักหล้ายเด้อยากเว้า.............นำนาง
เหลียวบ่เห็นหนทาง...............ฮ่วมน้อง
นั่งมองเบิ่งปล่อยวาง.............ใจเตลิด
ฝันอยู่เฮียงฮ่วมห้อง................สู่มื้อสู่เว็น
อกสิเพแตกม้าง=หัวอกแทบแตกสลาย
อยากสิบาย = อยากจะจับ
ย้อนทุกข์ย้อนผู้ฮ้าย.= เพราะจนเพราะไม่หล่อ
ย่านเจ้าบ่ออนซอน = กลัวน้องไม่สนใจ
พ่อเจ้า=พบเจ้า
หยู่, ยู้ = ส่งเสริม ,ดัน
พั่งเพ = แหลกสลาย
สู่มื้อสู่เว็น = ทุกวัน
สวัสดีครับ
ฟังเพลงคุณเสกคาถา/ ดูรูปลีลาวดี / อากาศดี ฝนตกปรอยๆ
อารมณ์กวีหลั่งไหล ขออภัยด้วย ครับ อิอิ
**แก้ไขพิมพ์ผิด
แก้ไขเมื่อ 09 ส.ค. 54 11:11:48
แก้ไขเมื่อ 09 ส.ค. 54 10:54:17
| จากคุณ |
:
ลำน้ำ C   
|
| เขียนเมื่อ |
:
9 ส.ค. 54 10:48:54
|
|
|
|
|
---ลีลาวดี---
